RONALDO MILANA “MİLAN”LA QAYITDI

Qış transfer pəncərəsinin bağlanmasına bir neçə saat qalmış dövrələrarası fasilənin ən böyük transferi baş tutdu. Dünya cempionatları tarixinin ən güclü bombardiri Luis Nazario da Lima və ya sadəcə Ronaldo yenidən İtaliyaya qayıtdı. “Yekədiş” ləqəbli superforvard dünya futbol tarixinin ən rəngli simalarındandır desək, yanılmarıq. Uzunmüddətli zədələr, 3 DÇ finalı, 3 evlilik, daim çəki problemi, səmimi etiraflar vəs. Bu tipli təyinlər Ronaldonu xarekterizə edən əsas elementlərdir. Amma ən marqlısı odur ki, Ronaldo bir-sıra dahi klublarda çıxış etməsinə baxmayaraq daim qalmaqallarla yadda qalıb.18 yaşında Brazilya millisiylə çempion olan, oynadığı hər klubda inanılmaz məhsuldarlıq göstərən 30 yaşlı hücumçu İtaliyanın “Milan” klubuyla 2008-ci ilin iyununa qədər müqavilə imzalayıb. Deyilənlərə, inansaq və nə qədər inannılmaz olsada Ronaldo üçün yeni klubu “Real”a sadəcə 7 milyon avro ödəyib. Əslində hər şey, Fabio Kapellonun “Kral” klubuna baş məşqçi təyin olunmasından sonra başladı. İtalyan mütəxəssis braziliyalı ehtiyacı olduğuna desədə, heç cürə əsas heyətdə yer ala bilmirdi. Maraqlıdı ki, Ronaldo özü də Kapellonun gəlişinə sevindiyi bildirir, hətta mövsümdə ən azı 20qol vuracağını bildirmişdi. Lakin “Real”ın cempionatda uğursuzluğa düçar olmasının səbəbini Kapello Ronaldoyla bağladı. Nəticədə baş məşqçi klub rəhbərliyinə Ronaldonu istəmədiyini bildirdi. Belə olduğu halda, ispanlar məcburən braziliyalını satmağa məcbur oldular. Əlbəttə, futbolçunun məcburən satılmalı olması Ronaldonun qiymətinə də təsir etməyə bilməzdi. Belə də, 2002-ci ildə “İnter”dən 45 milyon avroya transfer olunmuş forvardın qiyməti bu dərəcədə aşağı düşdü. Yayda Şevçenkonu itirdikdən sonra hücumçu problemi ilə qarşılaşan “Milan” üçün isə bundan əla şans ola bilməzdi. Üstəlik, Ronaldonun hecdə əla formada olmamasından istifadə edən İtalyanlar forvardın qiymətini aşağı sala bildilər. Hələ ötən həftə Milana gələrək tibbi baxışdan keçən Roni yenidən İtaliyaya qayıdışından məmnun olduğunu gizlətməyib.” Madriddə əla 4 il keçirmişəm. Mənə göstərilən diqqətə görə hər kəsə minnətdarlığımı bildirirəm. Bir nəfərdən başqa (çox güman, Kapellonu nəzərdə tutur) Madriddə olan hər kəsə təşəkkür edirəm. Amma həyat davam edir. Hələlik futbol oynamaq istəyirəm. Ona görədə BƏƏ və ABŞ-dan gələn təklifləri geri çevirdim. “Milan” dahi klubdur. “Qırmızı-qaralar”ın formasını geyinəcəyim üçün çox məmnunam.” Sonda onu da, nəzərinizə çatdıraq ki, “Milan” forvarda görə, paradan əlavə Oliveyranı da mövsümün sonuna qədər “Kral” klubuna icarəyə verib. “Milan” Cempionlar Liqasında uğur əldə edəcəyi təqdirdə (baxmayaraq ki, Ronaldo bu turnirdə yeni klubuna kömək edə bilməyəcək) “Real”ın büdcəsinə əlavə 500 min avro ödəyəcək. Ronaldonun karyerası: Kruzeyro 1993-1994 60 oyun 58 qol PSV 1994-1996 56 55 Barselona 1996-1997 44 39 İnter 1997-2002 100 59 Real 2002-2007 164 99 Milan 2007... Brazilya 97 62 Cəmi: 521 oyun 372 qol