RUSLARA AĞIR ZƏRBƏ...

Dünən  Avro 2008-in D qrupunun oyunları baş tutub. Bu qrupda Yunanıstan, İsveç, İspaniya və Rusiya milliləri mübarizə aparırlar. Ilk oyun ruslarla ispanlar arasında baş tutdu. Oyun qarşılıqlı hücumlar çərçivəsində keçirdi. Ancaq artıq oyunun 20-ci dəqiqəsində David Vilya rus azarkeşləri məyus etdi. Daha sonra ilk yarının sonuna bir neçə dəqiqə qalmış David Vilya ikinci dəfə fərqləndi. Ikinci yarının 75-ci dəqiqəsi... Və bir daha David Vilya... Hesab 3:0... Rusiya millisi bu üç qola cavab olaraq 86-cı dəqiqədə təsəlli qolunu vura bildi. Lakin ispanlar bu qolun heyfini çıxdı. Ikinci yarının artırılmış dəqiqələrində Fabreqas topu tora qovuşduraraq İspaniya millisinin ilk qələbəsini rəsmiləşdirdi.

Günün ikinci matçı isə Yunanıstan və İsveç arasında keçirilirdi. Qarşılaşmanın ilk yarısı qolsuz bərabərliklə keçdi. Fasilədə isə  Las Laqerbak öz yetirmələrinə nə dedi nə demədi orası bəlli deyil amma fasilədən sonra isveçlər iki qol vuraraq oyunun taleyini həll etdilər. 67-ci dəqiqədə İbrahimoviç 72-ci dəqiqədə isə Hansson fərqləndi.