SABİR ƏLİYEV: "MƏĞLUB OLMAMAQ ÜÇÜN GƏLDİK, BƏXT BİZƏ SÜRPRİZ ETDİ..."

Oyun başa çatdıqdan sonra Mətbuat Konfransı keçirildi.İlk olaraq, "Şahdağ"ın baş məşqçisi Sabir Əliyevə söz verildi: "Son iki oyunda məğlubiyyət komandadakı atmosferi korlamışdı. Bu problemi aradan qaldırmaq üçün bu oyundan xalla dönmək məqsədini qarşımıza qoyduq. Vuruşduq. Sonda hər iki komandanın da qalib gələ biləcəyi oyunda bəxt bizə sürpriz etdi..." Sonra "Qarabağ"ın baş məşqçisi Böyükağa Ağayev fikirlərini bölüşdü: "Bu görüşə böyük itkilərlə çıxmışdıq. Mübariz iynı ilə oyuna çıxdı. Zoranı məcbur olaraq sonda oyuna buraxdıq. Əsas çatışmazlığımız isə hücum xəttində oldu. Cəza və zədə hücumçusuz qalmağımıza səbəb oldu ki, bu da nəticədə öz əksini tapdı. Kubokun yarımfinal oyununa qədər bütün futbolçuları hazırlaya biləcəyimi düşünürəm..."