Şahid Həsənov – 67!

Klubumuzun lisenziyalaşdırma üzrə meneceri Şahid Həsənov bu gün 67 yaşını qeyd edir. Ömrünü “Qarabağ”a həsr edən veteranımız uzun illərdir komandamızın uğurları üçün çalışır.

Futbolçu karyerasına “Məhsul”da başlayan Həsənov 1974-76-cı illərdə bu komandada, 1978-ci ildə “Şəfəq”də forma geyinib. 1988-1992-ci illərdə “Qarabağ”da çıxış edən veteran 1988-ci ildə Azərbaycan SSR-nin çempionu olub, SSRİ çempionatının II liqasında forma geyinib.

1993-95 və 2001-07-ci illərdə məşqçi kimi fəaliyyət göstərən Həsənov 2004-cü ildən Lisenziyalaşdırma üzrə məsul şəxs, sonradan menecer kimi çalışıb.

Klubumuz adından Şahid Həsənovu təbrik edir, ona uğurlar arzulayırıq.