SAMİR MUSAYEV MİLLİYƏ ÇAĞIRILDI...

Bu gün Azərbaycan Futbol Federasiyaları Assosiasiyasının rəsmi saytında Avropa Çempionatının seçmə mərhələsi çərçivəsində Serbiya Millisinə qarşı keçiriləcək oyunda ölkəmizin şərəfini qoruyacaq futbolçulaın siyahısı dərc olunmuşdur. Millinin heyətində əsaslı dəyişikliklər edən Baş Məşqçi Şahin Diniyevin yeni siyahısında komandamızın dörd futbolçusu da yer almışdır. Bunlar Aslan Kərimov, Sergey Sokolov, Cahangir Həsənzadə və Samir Musayevdir. Əlamətdar hal isə uzun müddətdir millidən kənarda qalmış Samir Musayevin yenidən miliyə çağrılmasıdır. Samir Musayevın son zamanlar formada olması, ardıcıl həm beynəlxalq, həm də yerli çempionatda qolları sıralaması Baş Məşqçinin diqqətindən yayınmamışdır.Xatırladaq ki, Samir Ponomaryovun millinin baş məqşçisi postundan ayrıldığı zamandan Milliyə çağırılmırdı. Futbolçunun özü bu xəbəri çox sevinclə qarşıladı: "Mən sevinirəm ki, Şahin müəllim mənə inanaraq milliyə cəlb edib. Mən əvvəllər də demişdim ki, milliyə əvvəl çağırılanlardan özümü heç də zəif hesab etmirəm. İndi özümü göstərmək üçün şans qazanmışam və bu etimadı doğrultmağa çalışacam. Biz Azərbaycanı təmsil edəcəyik və mən qol vuraraq bu adı yüksəklərə qaldırmağa çalışacağam..." Milliyə çağırılanların tam siyahısı ağaşıdakı kimidir: 1 Vəliyev Fərhad "İnter" 2 Həsənzadə Cahangir "Qarabağ" 3 Sokolov Sergey "Qarabağ" 4 Abbasov Ruslan "Neftçi" 5 Kərimov Aslan "Qarabağ" 6 Məlikov Rail "Bakı" 7 Quliyev Ramin "Bakı" 8 Həşimov Zaur "İnter" 9 Çertoqanov Aleksandr "Neftçi" 10 Muzika Yuri "Karvan" 11 Ladaqa Andre "Bakı" 12 İmaməliyev Emin "İnter" 13 Baxşıyev Elmar "İnter" 14 Poladov Ruslan "İnter" 15 Abbasov Ramazan "Bakı" 16 Sultanov Ceyhun "Bakı" 17 Musayev Samir "Qarabağ" 18 İsmayılov Fərrux "Neftçi" 19 Cavadov Vaqif MOİK Moskva 20 Qurbanov İlqar "Xəzər-Lənkəran"