SAMİR MUSAYEVİN QOL "ŞOU"SU...

Oyun "Qarabağ"ın hücumları ilə başlasa da ilk dəqiqələrdə hücumların məntiqi nəticə ilə başa çatdırılmasında problemlər yarandı. Bunun əvəzində isə qonaqlar ilk hücumlarını qolla başa çatdırdılar. Zaur Məmmədovun ötürməsini Əhməd Ticani gözəl zərbə ilə qapımızdan keçirdi. Bundan 3 dəqiqə əvvəl isə Mübariz Orucovun ötürməsini Kənan Kərimov qapı çatına tuşlamışdı... Bundan sonra hücumların kəsərini bir qədər də artıran komandamız 20-ci dəqiqə hesabı bərabərləşdirə bilərdi. Lakin Samir Musayevin mükəmməl ötürməsini qapıçı ilə təkbətək qalan Kənan Kərimovun dəqiq zərbə ilə başa vura bilmədi. İkinci hissədə isə meydanda Samir Musayev şousu başladı. İlk dəqiqədəcə Romal Hüseynovun ötürməsindən sonra qarşısındakı müdafiəçini bir fəndlə keçən Samir topu uzaq küncə göndərdi- 1:1. Bundan iki dəqiqə əvvəl isə Aslan Kərimovun baş zərbəsini müdafiəçi boş qapıdan çıxara bilmişdi. İlk hissədən fərqli tamamilə başqa komanda kimi görünən "Qarabağ" 61-ci dəqiqədə rəqib torunu daha bir dəfə silkələdi. Bu dəfə iki zərbəni dəf edən qapıçı Samirin baş zərbəsi qarşısında aciz qaldı- 2:1. 78-ci dəqiqədə isə Müşviq Hüseynov təcrübə hesabına Samirə hədiyyə etdi. Samir isə bu hədiyyəyə gözəl qolla cavab verdi. Bu qol XV Azərbaycan Çempionatında Samir Musayevin adını ilk het-trik edən futbolçu kimi tarixə yazdı... komandamızı təbrik edir, uğurlu startın davamının digər oyunlardan gəlməsini arzulayırıq.