SƏKKİZ "QARABAĞ"LI MİLLİDƏ. . .

Bu gün "Qarabağ" Futbol Klubunun ofisinə AFFA-dan 96/01-02 və 104/01-02 saylı məktublar daxil oldu. Məktublara əsasən 23 fevral tarixindən təlim məşqə yığılacaq gənclər və əsas milliyə dəvət olunmuş futbolçular uyğun millilərin düşərgəsinə çağrılır. Sevindirici haldır ki, "Qarabağ"ın şərəfini qoruyan 8 futbolçu - 3 futbolçu əsas,5 futbolçu isə gənclər yığmasına dəvət olunmuşdur. Bunlar: Aslan Kərimov, Azər Məmmədov və Sergey Sokolov əsas millinin heyətində Ukrayna Millisinə qarşı, Hüseyn İsgəndərov, Romal Hüseynov, Namiq Yusifov, Qoqa Beraya və İrakli Beraya isə Belorus Millisinə qarşı U-21 -in heyətində forma geyinmək şansı qazanmışlar. Futbolçularımıza və ümumiyyətlə hər iki Milli Komandamıza qarşıdakı yoldaşlıq oyunlarında uğurlar arzulayırıq.