`Simurq` qış `transfer pəncərəsi` dövründə 3-cü transferini reallaşdırıb. Zaqatalalılar bir neçə gün əvvəl İqor Ponomaryovun istəyilə `Xəzər-Lənkəran`dan kənarlaşdırılan və transferə çıxarılan Füzuli Məmmədovla bu gün 6 aylıq müqavilə müqavilə bağlayıb. `Simurq` futbolçunu mövsümün sonuna qədər Lənkəran klubundan icarəyə götürüb.
Karyerası ərzində `Şəfa`, `Qarabağ`, `Maşinsazi` (İran) kimi klubların şərəfini qoruyan 31 yaşlı müdafiəçi son 5 mövsümü `Xəzər-Lənkəran`ın heyətində keçirib və bu müddətdə ölkə çempionu olmaqla yanaşı, Azərbaycan kubokunu başı üzərinə qaldırıb, həmçinin `Birlik Kuboku`nun qalibi olub. Füzuli bir neçə dəfə yığmaya da cəlb edilib. Futbolçu bu gün axşam Gürcüstana yola düşəcək və sabah Tiflisdə komandaya qoşulacaq.