SOLARİ İTALİYA ÇEMPİONATINDA...

Cümə axşamı Madrid "Real"ının yarımmüdafiəçisi Santyaqo Solari "İnter"lə üç illik müqavilə imzaladı. Müqavilənin şərtlərinə görə, futbolçunun transfer dəyəri milyon avroya yaxın oldu. Bu ilin yanvarında 28 yaşlı Argentinalı futbolçu madridlilərlə müqaviləsini 4 illik uzatsa da, hər an başqa klublarla danışıqlar aparmaq şansını özündə saxlamışdı. Solarini öz sıralarında görmək istəyən "İnter"in təklifindən sonra bu şansı dəyərləndirən futbolçu artıq İtaliya çempionatında oynayacaq. Solari "Real"a 2000-01 -ci il sezonunda "Atletiko"dan keçib. Bu müddət ərzində "Kral" klubunun heyətində 130 oyun keçirən futbolçu 10 qol da vurub.