SON MATÇ, SON HAZIRLIQLAR

Nəhayət, XVI Azərbaycan milli çempionatı başa çatmaq üzrədir.  Cari birinciliyin ikinci yarısından etibarən premyerliqa adlandırılmış yarışda çempionluq mübarizəsi yetərincə gərginləşib. Son turda “Neftçi”ni qəbul etmiş “Qarabağ” komandası oyunun keçirildiyi 6-cı gündən sonra 2 gün istirahət edib. Bu gündən məşqləri bərpa edən komandamız Suraxanı Qəsəbə stadionunda XXVI turun hazırlıqlarına start verəcək. Kubokun finalı ilə əlaqədar olaraq gələn həftəyə keçirilmiş sonuncu turda “Qarabağ”  çempionluğa ən real namizəd olan “Olimpik” komandasının qonağı olacaq. Onu qeyd edək ki, Mayın 27-si keçirlməsi planlaşdırılan matç başlama tarixi 17:00-dan 16:00-a keçirilib.

Komandamızda “Neftçi”ylə oyunu buraxan, “Qarabağ”ın kapitanı Aslan Kərimov ötən həftə məşqlərdə iştirak etsə də baş məşqçimiz Rasim Kara yarımmüdafiəçini riskə getməyərək meydana buraxmamışdı. Amma kapitan həlledici matçda drujinasının başında olacaq. Türkiyədə əməliyyat olunan Aftandil Hacıyev isə bu həftə Bakıya dönəcək və məlum səbəbdən “Olimpik”lə oyunu buraxacaq. Komandanın son zədəlisi Hüseyn İsgəndərov isə kollektiv halında çalışmalara davam edir. Eyni zamanda, onu da nəzərinizə çatdıraq ki, komanda da heç bir cəzalı futbolçu da yoxdur. Belə də, Aftandil Hacıyevi nəzərə almasaq “Qarabağ” “Olimpik”ə qarşı tam heyətlə mübarizə apara biləcək.  Hazırlıqlar barəsində saytımızı izləməyi unutmayın...