“STANDART”LA 2-Cİ DUELƏ

Sabah Azərbaycan premyerliqasının XXIII turun çərçivəsində “Qarabağ” – “Standart” qarşılaşması baş tutacaq. Cari birinciliyin debütantı olan “Bankir”lərlə ilk yarıdakı görüşümüz İsmət Qayıbov adına stadionda baş tutmuşdu. Vaqif Cavadovun 41-ci dəqiqədə vurduğu qolla qalib gələn komandamız hələlik ümumi görüşlərdə üstünlüyü özündə saxlayır.

Xatırladaq ki,    oyunun başlama saatı 17:00-a təyin olunub. Görüşü idarə edəcək hakimlərin də adı məlum olub. Cari birincilikdə bir necə oyunumuzu idarə etmiş Azad Mütəllimov görüşdə baş hakim funksiyasını yerinə yetirəcək. Mütəllimovun köməkçiləri İlham Əliyev və Elman Musayev təyin olunub. 4-cü hakim görəvini isə Fuad Həsənov yerinə yetirəcək. Hakim-inspektor Məhəmməd Məmmədov, AFFA nümayəndəsi Eldar Qasımovdur.

Sabah bütün azarkeşlərimizi Suraxanı qəsəbə stadionundakı keçiriləcək matça dəvət edirik.