STATİSTİKA: "QARABAĞ" - "NEFTÇİ"

"Qarabağ" Futbol Klubu ölkə çempionatının növbəti turunda Azərbaycan Futbolunun Flaqmanı "Neftçi" Futbol Klubu ilə qarşılaşacaq. "Əzəli rəqib, əbədi dost" devizi şamil olunan bu rəqiblər indiyə qədər bütün çempionatlarda çıxış etmiş və bir-biri ilə qarşılaşmışlar. Statistikaya nəzər salaq:
Azərbaycan çempionatları çərçivəsində "Əzəli rəqiblər" 31 dəfə bir-biri ilə üz-üzə gəlmişlər. Bunlardan 8 dəfə "Qarabağ", 10 dəfə isə "Neftçi" meydanı qələbə ilə tərk etmişdir. Qalan 13 oyunda tərəflər sülh bağlamışlar. Top fərqi 26:34-dür. Son çempionatda T.Bəhramov adına Respublika stadionunda qarşılaşan tərəflər meydanı qolsuz bərabərliklə tərk etmişlər....
Azərbaycan Kuboku uğrunda yarışlarda da "Qarabağ" - "Neftçi" cütlüyü bu və ya digər mərhələdə bir-biri ilə qarşılaşmışlar. İndiyə qədər 12 dəfə qarşılaşan cütdə üstünlük "Qarabağ"dadır. Belə ki, 5 qələbə qarşılığında yalnız dörd dəfə məğlub olan "Qarabağ"lılar üç heç-heçə ilə də sülh bağlamışlar.
Cari kubokun 1/8 final mərhələsində də tale cütü bir-birinə rəqib etmişdir. Bu dəfə Suraxanıda 1:2 məğlubiyyətin qarşılığında Respublika stadionunda 1:0 qələbə "Qarabağ"ın növbəti mərhələ yolunu bağlamışdır. Keçən il "Neftçi"ni məğlub etdikdən sonra Kuboka sahib çıxan "Qarabağ"dan fərqli olaraq, bu dəfə "Neftçi" "Qarabağ"ı məğlub etsə də, kuboka erkən vida etdi...
Bu oyun daha bir əlamətdar hadisə ilə tarixin yaddaşına həkk olunacaq. Belə ki, Azərbaycan Futbolunun canlı əfsanısi Müşviq Hüseynovun Vida matçı da məhz bu oyuna təsadüf edəcək....

Bu sevinci bir də yaşamaq istəyirsinizsə... 

27 aprel, 2007-ci il.
T.İsmayılov adına Suraxanı qəsəbə stadionu