TƏLİM-MƏŞQİN SONUNA DOĞRU...

"Qarabağ" Futbol Klubu Ankara, Qızılcahamamda keçirdiyi təlim məşq toplanışını bitirmək üzrədir. Sona bir gün qalmış komanda səhər məşqini taktiki və kondisyon hazırlıq üzərində qurdu. Baş Məşqçi Rasim Karanın birbaşa göstərişləri ilə keçirilən məşq prosesi çox nəşəli və yüksək əhval ruhiyyə şəraiti ilə müşahidə olundu.

Komandada baxışda olan Kongolu futbolçu Kabana Sita Abraham Baş Məşqçinin etimadını doğrulda bilmədiyindən geri göndərildi. O futbolçu bir gün əvvəl öz ölkəsinə yola salındı. Əvəzində komandamız səviyyəli Libero axtarışını davam etdirir.

Konqolu futbolçudan 2 gün öncə komandaya dəvət olunmuş Liberiyalı Pupo isə böyük ehtimalla komandada saxlanılacaq. Topla davranışı, futbol bilgisi Baş Məşqçi tərəfindən bəyənildiyindən yaxın günlərdə futbolçu ilə müqavilə bağlanılacağı gözlənilir.

"Qarabağ" Futbol Klubu 21.07.2007-ci il tarixində səhər saatlarında Bakıya yola düşəcək....