Tribuna I. Baş məşqçi şanlı tarix üçün..
24 İyn 2009
Tribuna I. Baş məşqçi şanlı tarix üçün..
`Qarabağ`ımızın təlim-məşq toplanışı davam edir. Hər zaman fərqliliyi ilə yadda qalan `Qarabağ` Futbol Klubunun rəsmi saytı bu dəfə də ənənəsinə sadiq qalacaq. Belə ki, `Kamp` dönməminin hər bir günündə futbolçulara tribuna veriləcək, hazırlıq və gələcək oyunlarla bağlı öz fikirlərini bildirəcəklər. İlk olaraq söz təbii ki, baş məşqçi Qurban Qurbanovundur:` Yeni mövsüm üçün komanda da bir sıra islahatlar etdik. Yollarımızı ayırdığımız hər bir futbolçunun ötən ilki uğurda payı vardı. Lakin, günün tələbləriylə uzlaşmaq lazımdır. Komandanı gəncləşdirmişik. Lakin, bu o demək deyil ki, hədəfimizi də `gəncləşdirmişik`. `Rosenborq` nə qədər güclü komanda olsa da, hər halda onun adı deyil 11 futbolçusu meydanda olacaq. Yaxşı çalışsaq, bir az şans da yanımızda olsa inşallah, turu niyə də keçməyək? Bu futbolçular ölkənin gələcəyidir. İnşallah, `Rosenborq`la oyunda tarix yazmaq istəyirik. Düzdü, şanlı tarix yazmaq çətin olur. Amma bu ilk də nə zamansa gercəkləşməlidir. İnşallah, bu il sevinci yaşayarıq.`