Tribuna II. Kapitan - ən yaxşısı üçün...
25 İyn 2009
Tribuna II. Kapitan - ən yaxşısı üçün...
`Qarabağ`ımızın hazırlığı davam edir. İyulun 16-sı `Rosenborq`la qarşılaşacaq komandamız hədəfinə ciddi şəkildə köklənib. Qeyd etdiyimiz ki, hazırlıq dönəmində hər bir futbolçumuza tribuna veriləcək. Dünən komandamızın baş məşqçisi Qurban Qurbanov öz fikirlərini bildirmişdi. Bu dəfə isə söz təbii ki, kapitan Aslan Kərimovundur:` Bakıdakı hazırlığı da nəzərə alsaq 10 gündür ki, yığılmışıq. Yeni komandamız var. Gəncləmiş komandamız əslinə bu il daha təhlükəli olacaq. Onların əksəriyyəti uğura acdır. Ona görə də, özləri sübut etmək üçün əllərinə əla şans düşüb. Komandanın üstəlik gənc heyətin kapitanı kimi üzərimə xüsusi məsuliyyət düşdüyünü bilirəm. Amma əla kollektivimiz olması ilk gündən bəllidir. Hər kəslə canla-başla məşqlərdə çalışır. Belə davam etsək çempionatda ciddi şeylərə nail ola biləcəyik. Təbii ki, ilk olaraq `Rosenborq`u fikirləşirik. Norveçlilər nə qədər güclü olsa da, bu futboldu. Kim deyə bilərdiki, ABŞ İspaniyanı məğlub edə biləcək? Uğura gedən yol çalışmadan keçir. İnşallah, Avroliqada özümüzü sübut edərik. Təcrübəmin burda faydası olacaqmı? Bunu zaman göstərəcək. Təbii ki, əlimdəm gələnin ən yaxşısını etməyə çalışacam.`