Tribuna IV. Uğurdan uğur üçün...
27 İyn 2009
Tribuna IV. Uğurdan uğur üçün...
`Qarabağ` Futbol Klubu Antalyada son sürətlə hazırlıqlarını davam etdirir. Son 3 gündə komandanın liderləri tribunada öz fikirlərini bildirmişdilər. Bu dəfə isə söz komandamızın 3-cü kapitanı Aftandil Hacıyevindir. 28 yaşlı müdafiəçinin tribunası:` Hələlik, hər şey normaldır. Komandaya gənclər qoşulub. Belə baxanda biz daim mübarizə aparan komanda olmuşuq. Belə də, gənc komandamız daha çox `qaçacaq`. Hələlik, ilk növbədə `Rusenborq`la oyunu düşünürük. Düzdü, hələ bilmirəm avroliqaya qədər hazır olacam ya yox. Təbii ki, çox istəyirəm `Rusenborq`a qarşı oynayım. Bunun artıqlamasıyla çalışıram. `Rosenborq`u kecə bilərəkmi? Niyə də yox? Zənnimcə, onlar bir qədər boş çıxacaqlar oyuna. Ona görə də bundan istifadə etmək lazımdır. Ölkədə demək olar ki, çoxları bizdən əlini üzüb. Düzdü, bu rəqibin gücünə görədir. Əslində bu bizə bir üstünlükdür. Norveçliləri sıradan çıxarmaqla insanlarımızı ikiqat sevindirərik. Avroliqada uğurlu çıxış etsək çempionatda işimiz asanlaşacaq. Hər halda, `Rosenborq`u sıradan çıxarsaq özünəinam yükəsləcək ki, bu da futbolda çox önəmli olaydır.`