"TRT Belgesel”dən “Qarabağ” haqqında film

Türkiyənin TRT kanalı klubumuz haqqında sənədli film hazırlayıb. Üç seriyadan ibarət olan "Qol atan cəbhəyə: “Qarabağ" adlı film komandamızın tarixindən bəhs edir.

Filmdə klubumuzun torpaqlarımızın işğal altında olduğu vaxtlardan bu günə qədər gələn yolu təsvir olunub. Burada komandamızın üzləşdiyi çətinliklər, futbolçularımızın həm cəbhədə, həm də meydanda fədakarlıqla mübarizə aparması, son 11 ildəki yüksəlişi ilə əldə etdiyi uğurlar da əksini tapıb. Sənədli filmin ilk seriyası bu gün - Zəfər Gününün ildönümündə "TRT Belgesel" kanalında nümayiş olunacaq. "Qol atan cəbhəyə: “Qarabağ” Bakı vaxtı ilə saat 21:00-da yayımlanacaq.