TÜRKİYƏ 5-Cİ DƏFƏ MƏĞLUB EDİLDİ...

Dünən Azərbaycan və Türkiyə milli  komandaları arasında beynəlxalq yoldaşlıq görüşü keçirildi. AFFA-nın təbliğatına baxmayaraq,Bakı İdman Sarayına xeyli az tamaşaçı toplaşmışdı. İlk dəqiqələrdə üstünlüyü ələ alan komandamız hesabı erkən açdı. Ancaq fasiləyədək tarazlıq bərpa edildi. Türkiyəlilər birinci hissənin sonunda təyin olunmuş cərimə zərbəsindən yararlandılar. İkinci hissədə yığmamız daha yaxşı oyun nümayiş etdirdi. Nəticədə Müslüm Hüseynov, Namiq Məmmədkərimov və Vitali Borisov da rəqibin qapısına yol tapdılar. Xüsusilə, Rusiyanın "Dina" klubunda legioner həyatı yaşayan Borisovun qolu baxımlı alındı. Matçın axırlarına yaxın Türkiyə buraxılan qollardan daha birinin əvəzini çıxdı. Beləliklə milli komandamız 4:2 hesabı ilə qalib gəldi. Xatırladaq ki, millimiz indiyədək 5 dəfə Türkiyəni üstələyib.