TÜRKİYƏ SUPERLİQASI: "CİM-BOM 159 GÜN SONRA XAL İTİRDİ !"

Türkiyə çempionatında 10-cu turun oyunları keçirildi. Lider "Qalatasaray" öz meydançasında "Dənizlispor"u qəbul edirdi. Ən uğurlu mövsümünü keçirən Cim-Bomdan azarkeşlər bu turda qələbə gözləməsi təbii idi. Amma "Qalatasaray" gözlənilmədən matçdan heç-heçə ayrıldı. Çoxlu qol imkanlarını boşa verən meydan sahiblərinin bir qoluna qonaqlar cavab verə bildilər və matç 1:1 hesabı ilə başa çatdı. Beləliklə: Qalatasaray - Dənizlispor 1:1 Hasan Şaş, 7 - Multaharyu, 61. Qalatasaray: Mondraqon, Cihan, Tomas, Sonq, Orhan Ak, Hasan Şaş, Saidu, İliç (Uğur Uçar, 69), Haynts (Altan, 46), Ümit Karan (Necati, 61), Hakan Şükür. Dənizlispor: Süleymanu, Bülənt Ərtoğrul (Endər, 84), İhsan, Kratoxvil, Abraham, Multaharyu, Fatih (Eyup, 78), İbrahim, Mustafa, Ömər Rza (Sərdal, 89), Yusuf Şimşək. Digər oyunlar belə nəticələnmişdir: Trabzonspor - Ərciyəsspor 0:0 Malatyaspor 0 - 3 Fenerbahçe Konya 0 - 1 Beşiktaş V.Manisa 0 - 3 G.Birliği G.Antep 1 - 1 Ç.Rize Sivasspor 4 - 1 D.Bakır Ankaragücü - BŞB Ankaraspor 3:2 Kayserispor - Samsunspor 6:3