Niderlandın "Tvente" klubu "Qarabağ"ın və milli komandamızın hücumçusu Vaqif Cavadovla rəsmən müqavilə imzalayıb. Müqavilənin imzalanması mərasimində "Tvente"nin prezidenti Yoop Munsterman şəxsən iştirak edib. Qeyd edək ki, "Qarabağ" klubunun direktoru məbləği açıqlamasa da müqavilənin müddətinin 4,5 il olduğunu bildirib. Bu münasibətlə klub rəsmisi bunları söyləyib: "Çox sevindirici və unudulmaz gündür. Məqsədimiz milli futbolumuzun inkişafına nail olmaqdır. Azərbaycan futbolu və "Qarabağ" klubu üçün xeyrli və uğurlu olsun."