U-14 “Hamburq”a qalib gəldi

Akademiyamızın 14 yaşadək futbolçulardan ibarət komandası "SV EPE U14 Youth Easter Cup" turnirində iştirak edir. Komandamız Niderlandda keçirilən yarışın ikinci günündə qrup mərhələsində son görüşünü keçirib.

Belçika “Genk”inə 1:4 hesabı ilə uduzan “Qarabağ” qrupda 5-ci yeri tutub. Komandamız 9-12-ci yerlər uğrunda pley-offa qatılıb. Futbolçularımız bu mərhələyə “Hamburq” üzərində penaltilər seriyasındakı qələbə ilə start veriblər – 3:3, p.4:3.