U-21-lə 1:1. Hər 2-i qol `Qarabağ`lıdan

Yaranmış fasilə səbəbindən `Qarabağ`ımız bu gün U-21-lə yoldaşlıq oyunu keçirib. Məlum olduğu kimi millilərə xeyli futbolçu verən komandamız bu səbəbdən sadəcə bir neçə əsas heyət futbolçusunun imkanından yararlana bildi. Maraqlıdı ki, U-21-in heyətində 5 `Qarabağ`lı klubuna qarşı oynadı ki, qapımıza da qolu məhz `özümüzünkülər` vurdu.

`Qarabağ` ilk yarıda meydana bu heyətlə çıxmışdı. Sahil Kərimov, Zaur Həşimov, Admir Teli, Ceyhun Adışirinov, Ramil Ağayev, Ramin Əliyev, Aslan Kərimov, Namiq Yusifov, Mətləb Ələsov, Rauf Əliyev, Röyal Nəcəfov.

U-21: Osman Umarov, Novruz Məmmədov, Nodar Məmmədov, Fərrux Rəhimov, Vurğun Hüseynov, Emin Mustafayev, Əfran İsmayılov, Bəxtiyar Soltanov, Pərvin Paşayev, Nizami Hacıyev, Eşqin Quliyev 

Heyətdən də gördüyünüz kimi əsasən əvəzedici heyətdən gəlmələrin sayının çox olmasına baxmayaraq komandamız oyuna hücumlarla başlayıb. Və çox keçmədən hesabı açıb. Zaur Həşimov künc zərbəsindən sonra başla topu tora döndərdi. Geridə qalan müddətdə Rauf və Raminin qol imkanları olsa da, gözlənilmədən qapımızda qol gördük. Əfran İsmayılov 34-cü dəqiqədə topu qapıçıdan uzaq küncə göndərdi.

İkinci yarıda komadamızın əsas heyət oyunçuları da istirahətə göndərildi. Əvəzində baş məşqçimiz Qurban Qurbanov 13 yaşlı hücumçu Siyamək Məmişovu meydana buraxdı. Siyaməkin 20 dəqiqə meydanda qaldığını qeyd edək.

Beləliklə, 2-ci yarıda qol vurulmadı.Və oyun 1:1 hesabıyla başa çatdı.