UĞURUN 8 - Cİ PİLLƏSİ

Bazar günü “Qarabağ” “Gənclərbiliyi” ilə qarşılaşacaq. Görəsən tərəflərin qarşılaşaması nə vəd edir? “Gənclərbirliyi” daim komandamız üçün uğurlu rəqib sayılıb. Sumqayıtlılar elitadakı keçirdiyi 4-cü mövsümdə 7 dəfə “Qarabağ”a tuş gəlib. Və komandamız  bir qayda olaraq görüşlərdən qələbə ilə ayrılmaqda çətinlik çəkməyib. Fərq də göz qamaşdırır. Bu 7 matçın 6-ında komandamız meydandan 3 xalla ayrılıb. Cəmi bir dəfə heç-heçə qeydə alınıb. 2005-2006 mövsümündə Suraxanıda 1:1-lik qeydə alınıb. Qol fərqi də komandamızın xeyrinədir. 6 qarşılaşmada “Gənclərbirliyi” cəmi 2 dəfə qol sevinci yaşayıbsa, futboluçularımız 14 dəfə rəqibi topu  tordan çıxarmağa məcbur edib. Cari mövsümün ilk yarısında baş tutan görüş zamanı komandamız hesabda geri düşməsinə baxmayaraq əzmkar qələbə qazana bilmişdi. İsmət Qayıbov stadionunda keçirilmiş oyunda Staniçin qoluna Viktor, Vaqif və Ayxan cavab vermişdilər. Ötən il Sumqayıtda baş tutan görüşdə isə, komandamız rəqibi 3 dəfə meydanın mərkəzinə dəvət etmişdi. Qolları isə, Vaqif Cavadov (2) və Rauf Əliyev vurmuşdu. Bu eyni zamanda tərəflər arasında qeydə alınmış ən böyük hesablı qələbədir.

Xatırladaq ki, matç 6 Aprel  saat 16:00-da Mehdi Hüseynzadə adına Sumqayıt şəhər stadionunda keçiriləcək.