Vaqif Cavadov mövsümün ən yaxşısıdır...

`Qarabağ`ımız hələ də istirahət edir. Mövsümü kubokla başa vuran komandamız 15 iyunda yığışacaqlar. Komandamız daxilində bu günlərdə maraqlı bir səsvermə keçirilib. Belə ki, direktordan tutmuş inzibatçıya qədər hər kəsin qatıldığı səsvermə zamanı arxada qalan mövsüm üçün komandamızın ən yaxşısı seçilib. Komandamızın gənc forvardı Vaqif Cavadov 252 səslə komandamız daxilində 2008-2009 mövsümünün ən yaxşısı seçildi. 2-ci yeri isə komandamıza qışda qoşulan Elnur Allahverdiyev tutub. Final qarşılaşmasında penalti qazanan müdafiəçi 238 xal toplayıb. 3-cu yerə isə 2 futbolçu sahib çıxıb. Albaniya millisinin müdafiəçisi Admir Teli və qolkiperimiz Fərhad Vəliyev 208 xal toplayıb.

Görəsən, laureat özü nə düşünür? Cavadovu dinləyək: `Komandamızın mənə olan inamına görə sevinirəm. Onlara verdiklərə səslərə görə təşəkkür edirəm. İnşallah, uğurlarımız davam edər. Avropada `Qarabağ`ın adını uca tutmalıyıq.`

Elnur Allahverdiyev:`Qısa zamanda komandaya qoşulmağıma baxmayaraq komandaya tez isindim. Təbii ki, uğur bütün kollektivindir. Ölkə kubokunu qazanmağımızda hamının əməyi var.

Fərhad Vəliyev:`Qarabağ` ölkənin ən fərqli komandasıdır. Burda abu-hava heç harda yoxdur. Uğur qazanmağımızda kollektiv ruhun olması önəmli rol oynadı. İnşallah, tezliklə azarkeşləri yenidən sevindirərik.`