VAQİF CAVADOV "QARABAĞ"DA !

"Qarabağ" Futbol Klubu millimizin gənc hücumçusu, son illər Rusiya futbolunda öz dəsti-xətti ilə seçilən "ÇSKA" komandasının şərəfini qorumuş VAQİF CAVADOVu sıralarına qatdı... Baş məşqçi Rasim Karanın komandanın sükanı arxasına gəlişindən sonra doqquz "Qarabağ" uşaq futbolundan, dörd U-19 və iki "U-17" millisinin futbolçuları ilə sıralarını genişləndirən "Qarabağ" Futbol Klubu daha bir gənc - 17 yaşlı hücumçu ilə heyətini gücləndirdi. Millidəki oyunla bir çox komandaların diqqətini çəkmiş Vaqif Cavadov komandamızın təklifinə müsbət cavab verərək ikinci dövrədən "Qarabağ" formasını geyinəcək. Futbolçunun özü bu keçiddən məmnun qaldığını gizlətmədi: "Azərbaycan Futbolunun son dövrlər inkşafı məni çox sevindirir. Azərbaycan komandalarından birində forma geyinmək mənim Rusiyada oynadığım dönəmlərdən ürəyimdə idi. Sevinirəm ki, bu istəyim ad-sanı ilə seçilən "Qarabağ" Futbol KLubu ilə reallaşdı. Bütün qüvvəmi sərf edərək "Qarabağ" komandasının uğurunda pay sahibi olmağa çalışacağam..." Beləliklə, millinin heyətinə cəlb olunmuş altıncı "Qarabağ"lı Vaqif Cavadov oldu: Vaqif CAVADOV Təvəllüdü: 25.05.1989 Boyu(sm): 187 Çəkisi(kq): 66 Indiki klubu: SSKA (Rusiya) Əvvəlki klubları: - Yığmada oyun(qol): 3