Vaqif iddialı danışdı...

Xəbər verdiyimiz kimi, klubdaxili keçirilmiş səsvermədə Maksim Medvedev  2008-ci ilin ən yaxşı futbolçusu seçilmişdi. Sorğunun qalibiylə yanaşı,  3-cü yerə sahib çıxmış Aslan Kərimovun fikirləriylə sizi tanış etmişdik. Bəs, görəsən gənc həmkarına minimal xalla məğlub olan Vaqif Cavadov nə düşünür. Gənc forvard saytımız üçün verdiyi açıqlamada maraqlı fikirlər səsləndirdi:” Maksı təbrik edirəm. Həqiqətən də müdafiəçimiz geridə qalan ildə əla təsir bağışladı. Mənim qalib ola bilməməyimə gəlincə. Eyib etməz. Vaxt gələcək məni “Frans Futbol”un qalibi olmağıma  görə təbrik edəcəksiniz. Ümidvarm ki, bu titula “Qarabağ”ın heyətində yiyələnəcəm. Bu nə qədər çətin görünsə də, həyatda mümkün olmayan bir şey yoxdur. Belarusun “BATE”si “Xəzər”ə uduzmuşdu. Amma dünya divi “Yuventusu” diz çökdürdü. Yaşayarıq, görərik.”