VAQİF MİLLİYƏ QƏLƏBƏ GƏTİRDİ

Azərbaycanın 21 yaşa qədər olan milli komandası İrandan qayıdıb. Qonşu ölkədə həmyaşıdları ilə iki yoldaşlıq oyunu keçirən komandamız matçlardan qələbə ilə ayrılıb. Maraqlıdı ki, hər iki görüş eynihesabla 1:0 hesabıyla başa çatıb. Bildiyiniz kimi, “Qarabağ” futbol klubunu üzvləri millidə çoxluq təşkil edir. Onlardan biri eyni zamanda əsas milliyə mütamadi olaraq dəvət alan Vaqif Cavadov ikinci görüşün əsas qəhrəmanı olub. 18 yaşlı hücumçunun Matçın sonlarına yaxın qapıçı ilə təkbətək çıxaraq millimizə qələbə gətirən qola imza ata bilib. Vaqiflə bu barədə söhbətdə qol vurduğuna sevindiyini bildirdi:” Əlbəttə, qələbə qazanmağımıza görə sevinirəm. Önəmli olan komandanın qələbəsidir. Hər iki yaxşı oynadıq ki, qələbə qazandıq.”

Hücumçu eyni zamanda tezliklə “Qarabağ”da da qolları sıralayacağını bildirib.” Düzdü, ilk iki turda uğur bizdən üz döndərdi. Amma inanıram ki, tezliklə bu sindroma son qoyacağıq.”

Cavadov həmçinin çoxlu qol vuracağını lakin, komandasının müvəfəqiyyətinin daha önəmli olduğunu bildirdi.