VAQİFLƏ 2, AVTANDİLLƏ 1,5 il !!!

“Qarabağ” Futbol Klubu Antalyada hazırlıqlarını davam etdirir. Klub rəhbərliyi praktik fəaliyyətlə yanaşı eyni zamanda gələcəyin komandasını da qurmaq layihəsini davam etdirir. Artıq bu məqsədlə növbəti addımlar atılıb. Moskvanın “ÇSKA” klubunda yetişmiş Vaqif Cavadov Azərbaycan futbolunun gələcəyi sayılır. 18 yaşlı forvard düz  bir il öncə komandamızın sırasını qoşulmuşdu. Və Cavadov 2010-cu ilə qədər “Qarabağ”da qalacaq! Bəli, futbolumuzun sabahı ən azı 2 il yarım “Qarabağ”ın uğurları üçün tər tökəcək.

Bu da son deyil. Ölkənin ən “keçilməz” müdafiəçilərindən sayılan,  gənc olmasına baxmayaraq ölkə futbolunun ən təcrübəli futbolçularından sayılan Aftandil Hacıyev də klubumuzla yeni müqavilə bağlayıb. “Qarabağ”a gəlişiylə bütün rəsmi oyunlarda əsas heyətdə yer alan müdafiənin dirəyi sayılan Hacıyevlə müqavilə müddəti başa çatsa da azarkeşlərimiz hələ il yarım da Aftandilin oyununu izləyəcək. Öz stabil oyunu ilə “Qarabağ”ın müdafiədəki beyninə çevrilmiş Aftandil eyni zamanda Vaqiflə müsahibəsini tezliklə saytımızda oxuya bilərsiniz.

Saytımızı izləməyi unutmayın...