VII GÜN: "QARABAĞ" 2 - 2 "BƏYLƏRBƏYİ"

"Qarabağ" Futbol Klubu təlim məşqin 7-ci günündə ilk yoldaşlıq matçını keçirdi... "QARABAĞ" (I HİSSƏ) - C.Həsənzadə,S.Abasov, N.Məmmədov, B.İliç, M.Medvedev, F.Haqverdiyev,A.Kərimov, T.İsrafilov, Ə.İsmayılov, K.Kərimov, R.Əliyev. İlk hissədən sonra: 2:0 Qollar: K.Kərimov- 3, T.İsrafilov-9 dəqiqə. Ilk hissə komandamız 4-4-2 taktikası ilə meydana çıxdı. Bu da elə ilk dəqiqədəcə öz bəhrəsini verdi. Yüksək sürətlə oyuna başlayan komandamız 3-cü dəqiqədə rəqibin qapıçısını məyus etdi - Fərid Haqverdiyevin ötürməsindən sonra iki oyunçunu arxada qoyan Kənan Kərimov qapıçıya heç bir şans vermədi - 1:0. 7-ci dəqiqədə Kənanın ötürməsindən sonra Rauf Əliyev 100%-li epizodda topu azacıq yuxarı vurdu. Buna baxmayaraq "Qarabağ" 2-ci dəfə rəqib qapısına yol tapa bildi. 9-cu dəqiqədə Timur İsrafilovun mükəmmə zərbəsi qarşısıalınmaz oldu - 2:0. İlk hissədə daha üstün oyun göstərən komandamız bunun qarşısında rəqibə bir dəfə də olsun qol epizodu yaratmağa imkan vermədi... II hissə: "QARABAĞ" -E.Cəfərov, S.Sokolov, H.İsgəndərov, A.Məmmədov, M.Əliyev, N.Yusifov,T.Novruzov, İ.İsrafilov, H.Dəmir, R.Qafarlı, Rauf Əliyev(N.Məmmədov,76). İkinci hissə hücumçu Rauf Əliyevdən başqa bütün komandanı dəyişən Rasim Kara bütün futbolçulara oynamaq imkanı verdi. İkinci hissə meydana yeni daxil olmuş futbolçular ilk dəqiqələrdə sanki meydana uyğunlaşma dövrü keçirdilər ki, bu qapılarında qolla nəticələndi - 2:1. Yalnız 65-ci dəqiqədən sonra özünə gələn "Qarabağ"lılar həmin dəqiqədə hesab arasındakı fərqi artıra bilərdi. Lakin qapı qarşısında yaranmış qarışıqlıqdan rəqib daha cəld istəfadə edib təhlükəni sovuşdurdu. 68-ci dəqiqədə isabala İsrafilovun cərimə zərbəsindən zərbəsini qapıçı küncdən çıxara bildi. Əvəzində "Qarabağ" qapısında top gördü. ilk hissədə yaxşı təsir bağışlayan Nodar Məmmədov Namiq Yusifovun geri ötürməsindən sonra səhvə yol verdi ki, bu da hesabın bərabərləşməsinə gətirib çıxardı : 2-2. Matçın sonu 3 dəfə "Qarabağ" qol vurmağa yaxın oldu. 85-ci dəqiqədə Rza, 88-ci dəqiqə isə Hakan yaranmış vəziyyətdən yararlana bilmədilər. Son dəqiqədə isə künc zərbəsindən ötürməni Rza qapıdan keçirməyə borclu olsa da, zərbə qapı dirəyinin yanından keçdi... "Qarabağ" Futbol Klubu ikinci yoldaşlıq görüşünü 13 yanvar tarixində "Ərzurumspor" klubuna qarşı keçirəcək..