Vüqar Nadirov `Qarabağ`ına döndü
12 İyn 2009
Vüqar Nadirov `Qarabağ`ına döndü
Artıq `Qarabağ` başlayır. İyunun 15-indən etibarən hazırlıqlarına start verəcək komandamız transfer bazarında əməli fəaliyyətə başlayır. Artıq ilk transferimiz reallaşıb. Daim planlaşdırılmış strategiya yürüdən klubumuzun etdiyi transferlərlə bunun şahidi olacaqsınız. Buyurun, ilk transfer bombası. Gənc olmasına baxmayaraq ona təcrübəli demək olar. Özü də bunu transferdən daha çox özünə qayıdış kimi anlmaq lazımdır. Çünki, `Qarabağ`ın yetişdirməsi kimi əsil qarabağlıdır. Bəli, o, Vüqar Nadirovdur. Komandamızda yetişən Nadirov 4 illik təcrübədən sonra yenidən məxsus olduğu komandaya qayıtdı. 21 yaşlı milli futbolçu klubumuzla 2 illik müqavilə imzaladı. Səbəbkar saytımıza verdiyi açıqlamda çox sevincli görünüb:` Təbii ki, `Qarabağ`ın yetirməsi olduğumdan doğma komandaya qayıtmışam. 21 yaşım olsa da, yetərincə klubda forma geyinmişəm. `Qarabağ`ı indi sadəcə legioner olmaq üçün tərk edə bilərəm. Amma indi tək hədəfim `Qarabağ`a çempionluq qazandırmağa yardımçı olmaqdır. Bizim əla kollektivimiz var. Gənclərdən ibarət perspektivli futbolçularımız var. Yerli futbolçuların çoxluğu `Qarabağ`ın gələcəyi olmasını görsədir. Rəqabətdən qorxmuram. Vaqiflə millidə birlikdə çıxış edirəm. Zənnimcə, klubda birlikdə oynamağımız faydalı olacaq`