"XƏZƏR-LƏNKƏRAN" - "QARABAĞ". STATİSTİKA

Bazar günü Azərbaycan premyerliqasında keçiriləcək oyunlar içərisində diqqəti daha çox "Xəzər-Lənkəran" dueli cəlb edir. Çempionluq uğrunda mübarizə komandaların    milli çempionatlar tarixinin yeni dönəmində 9-cu qarşılaşması olacaq.

2004-2005 mövsümündə  baş tutmuş ilk oyunda Samir Musayevin dublu və Vadim Vasiliyevin möhtəşəm qoluna rəqib yalnız Samir Əliyevin təsəlli qolu ilə cavab verə bildi. Əvəzində  komandamız üçün çempionluq yolunda çox vacib cavab qarşılaşmasında Lənkəran təmsilçisi bu məğlubiyyətin əvəzini çıxdı- 0:3.

2005-2006—mövsümündə də komandalar hərəyə üç xal qazanmışlar. Ilk oyunda "Şəfa" stadionunda keçirilən matçda 2:1 hesabı ilə qələbə qazanan “Qarabağ”, cavab qarşılaşmasında 2:0-lıq məğlubiyyətlə üzləşdi. Növbəti mövsüm- 2006-2007 mövsümündə rəqiblərdən sevinən tərəf cənub təmsilçisi olmuşdur. Uyğun olaraq 2:0 və 4:1.

Ötən mövsüm isə komandalar eyni nəticəni göstərmişdilər. Səfərdə 2:0 hesabıyla məğlub olsaq da (Elmar Baxşıyev və Juninyo) doğma meydanda cənublulara eyni aqibəti yaşatmışdıq. Vaqif Cavadov və Zaur Həşimovun qolları komandamıza qələbə gətirmişdi.