XIII GÜN: MEHMET BİNNET KOMANDANI ZİYARƏT ETDİ . . .

Təlim məşqin 13-cü günündə "Qarabağ" Futbol Klubu səhər fiziki, axşam isə taktiki hazırlıqla məşqlərini davam etdirdi. Axşam saatlarında isə komandanı tanınmış idman həkimi, professor Mehmet Binnet ziyarət etdi. Ziyarətin məqsədi komandada olan futbolçulara baxış keçirmək, onların sağlamlığının səviyyəsini öyrənmək idi. İlk öncə professor iki gün öncə zədələnmiş Azər Məmmədova baxış keçirdi. Onun dizindəki ağrıları müayinə edən həkim yaxın günlərdə əməliyyat olunmasının vacibliyini vurğuladı. Daha sonra 6 ay öncə özü tərəfindən əməliyyat olunmuş Qoqa Berayanın ayağını müayinə etdi. Nəticə qənaətbəxş oldu- futbolçu tam gücü ilə məşqlərini davam etdirə bilər. Bundan sonra həkim digər futbolçuları da müayinə etdi. O, U-17 ilə təlim məşqdən enicə dönmüş Osman Umarovun, 3 ay öncə Bakıda əməliyyat olunmuş qapıçı Elçin Cəfərovun zədələrinə baxaraq öz məsləhətlərini verdi... Axşam nahardan sonra isə, komandanın gənc futbolçusu Rza Qafarlını ad günü münasibətilə bütün komanda bir yerə yığıldı. Futbolçunu Baş Məşqçi Rasim Kara klub üzvləri adından təbrik edərək, ona uğurlu futbolçu karyerası arzuladı...