Yankoviçin 100-cü oyunu

Marko Yankoviç komandamızın heyətində 100-cü oyununu keçirib.  Monteneqrolu yarımmüdafiəçinin yubileyi Misli Premyer Liqasının XI turunun “Şamaxı” ilə matçına (3:0) təsadüf edib.

2022-ci ilin yayından klubumuzda forma geyinən 29 yaşlı futbolçu 100 oyunda 7 qol vurub. O, Premyer Liqada 53 (3 qol), ölkə kubokunda 8 (1 qol), avrokuboklarda 39 (3 qol) matça çıxıb.

Qeyd edək ki, Yankoviçin komandamızdakı debütü 2022-ci il iyulun 5-də gerçəkləşib. O, Çempionlar Liqasının I təsnifat mərhələsinin “Lex”lə səfər matçında meydana çıxıb.