Yeni mövsümə 21 komandayla (express, 25.08.2006)

Birinci dəstədə yeni mövsüm avqustun sonlarında da start götürməyəcək. Qeyd edək ki, 21 komandanın mübarizəz aparacağı birincilikdə daha U-19 olmayacaq. Neçə illərdi aşağı dəstədə müsabiqədənkənar iştirak etməsinə baxmayaraq ciddi uğura həsrət komanda bu dəfə kənarda qalmalı olub. 21 iştirakçının iki dövrədən ibarət uzun marafonunu məqsədəuyğun saymayan AFFA başbilənləri onları iki yarımqrupa bölmək niyyətindədi. Amma sonrakı mərhələnin də dairəvi, yoxsa olimpiya sistemiylə keçirilməsi dəqiq bilinmir. Yaxın günlərdə bu məsələylə bağlı qərar veriləcək. Bundan başqa, komandalar həftəsonunadək sifariş vərəqi və digər zəruri sənədləri də quruma təqdim etməlidi. Həftəsonu yekunlaşacaq bu prosesdən sonra püşkatmanın dəqiq tarixi bilinəcək.