"Qarabağ"ımızın futbolçusu Ansi Aqolli komandamızdan ayrılıb. 2010-cu ildən "Qarabağ"ımıza transfer olunan Aqolli bu 9 ildə 317 dəfə komandamızın forması geyinib və bu matçların 224-ü Azərbaycan Premyer Liqasına, 24-ü ölkə kuboku və 69-u avrokuboklara təsadüf edib. Ansi Aqolli dünən baş tutan "Səbail"lə matçdan sonra azarkeşlərimizlə də vidalaşıb. Müdafiəçimiz həmçinin bütün "Qarabağ"lılara öz vida çıxışını Azərbaycan dilində edib. Həmin vida çıxışı və dünən azarkeşlərlə sağollaşmasından görüntüləri təqdim edirik.