ZİDAN "REAL"A QAYIDIR???

Fransız futbolçu Zinəddin Zidan "Marca Leyenda" tərəfindən mükafatlandırılıb. Tanınmış idman qazeti "Marca" bu prizi dünya futbolunda tarixə düşən futbolçulara təqdim edir. "Real"ın keçmiş futbolçusuna qədər bu mükafat Pele, Alfredo De Stefano,Yoxan Kroyf və Dieqo Maradona layiq görülüb. Dünya və Avropa çempionu, Çempionlar Liqasının qalibi, 2006-cı ildə karyerasını başa vuran Zinəddin Zidan "Real"a qayıtmaq arzusunda olduğunu dilə gətirib. Fransız futbolunun ulduzu İspaniyanın paytaxtında "kral klubu"nun prezidenti Roman Kalderon və idman direktoru Predraq  Miyatoviçlə görüşərək qayıdışı barədə məsələləri müzakirə edib: "Mən böyük futbola qayıtmaq istəyirəm. "Real" arzumun həyata keçməsi üçün əla yerdir. Axı indiyə qədər Madriddə özümü evdəki kimi hiss edirəm". Kalderon Zidana klubda iş yeri vermək istəyir. Fransız futbolçu isə gənc futbolçulara məşqçilik etmək arzusundadır.